گرافک ڈیزائننگ اور انیمیشن میں مستقبل :Career In Graphic Designing And Animation

گرافک ڈیزائننگ اور انیمیشن : کچھ نیا کرنے کا سوچیے!

ٹیکنالوجی کے میدان میں اگر ہم تکنیکی صلاحیتوں کا ذکر کریں تو ہمیں دسویں اور بارہویں کے بعد ہی کئی طرح کے کورسیس دیکھنے کو ملتے ہیں. جن میں اکثریت ڈیجیٹل کورسیس کی ہے. ڈیجیٹل کورسیس سے مراد ایسے کورسیس جن کا تعلق کمپیوٹر اور انٹرنیٹ سے منسلک ہو. ٠. مثال کے طور پر گرافک ڈیزائننگ، اینیمیشن ،وی ایف ایکس، ویڈیو ایڈیٹنگ، آڈیو ایڈیٹنگ، پوڈ کاسٹ وغیرہ وغیرہ اس کے اہم شعبے ہیں. ان شعبوں میں کورسیس کے ذریعے مہارت حاصل کی جا سکتی ہے. اور ان شعبوں میں مہارت رکھنے والے افراد کے لیے آن لائن پلیٹ فارم پر روزگار کے مواقع دستیاب ہیں. جیسے کہ ویبسائٹ جنریشن، ڈیجیٹل میڈیا، ملٹی میڈیا اینیمیشن، کونٹینٹ رائٹنگ. ان شعبوں میں ان گنت روزگار کے مواقع دستیاب ہیں. ایسے طلباء جن کا رحجان ٹیکنالوجی کی طرف زیادہ ہو انہیں ان کورسیس میں داخلہ لینا چاہیے. آئیے ان کورسیس کے متعلق مزید معلومات حاصل کریں.

گرافک ڈیزائنر

گرافک ڈیزائننگ کی تعلیم حاصل کرنے والے افراد کو گرافک ڈیزائنر کہا جاتا ہے. بہت سے لوگ سوال کرتے ہیں کہ آخر گرافک ڈیزائنر کا کام کیا ہوتا ہے.؟ آئیے اس کو ایک مثال کے ذریعے سمجھتے ہیں، کسی کمپنی کو اپنا پروڈکٹ اگر لوگوں تک پہنچانا ہے تو وہ ایڈورٹائزنگ کی مدد لیتی ہے. یہ ایڈورٹائزنگ تصویر کی شکل میں بھی ہو سکتی ہے، سمعی یا بصری شکل میں. ایک گرافک ڈیزائنر کا کام ہوتا ہے کہ کمپنی کے پرودکٹ کو بہتر طریقے سے عوام تک پہنچانا. ایک تصویر کے ذریعے ہو چاہے آڈیو ویجول کے ذریعے ہو.. اسی طرح ویب سائٹ ڈیزائننگ، ایپلیکیشن ڈیزائننگ، آن لائن میگزین، اشتہارات میں گرافک ڈیزائنر کا اہم کردار ہوتا ہے.

گرافک ڈیزائننگ کام کی مثالیں:-

• بصری مواصلات ڈیزائن
• پیکیجنگ ڈیزائن
• تحریری ڈیزائن
• ویبسائٹ ڈیزائن
• معلوماتی تحریر ڈیزائن
• اشتہارات
• عکاسی ڈیزائن
• انفوگرافکس
• صارف انٹرفیس ڈیزائن
• ای میل ڈیزائن
• اینیمیشن اسٹوڈیوز
• پوسٹر ڈیزائن
• 3D ڈیزائنن

ایک گرافک ڈیزائنر انٹرنیٹ، ٹیلی ویژن، پبلشنگ اور میڈیا ہاءوسیس، ایڈورٹائزنگ ایجنسیز کے لیے تصویری اور بصری مواد کا تصور پیش کرتا ہے، اس کی ساخت، ترتیب اور پیش کش میں اہم کردار ادا کرتا ہے ۔ انٹرنیٹ پر ویب ساءٹ، سوشل میڈیا مواد اور گیمس وغیرہ ، ٹیلیوژن اور فلموں میں اشتہار بازی کے مواد، ویڈیو، فلم اور ویب شوزکے ساتھ ساتھ اشیاء کی پیکیجنگ کے لیے لیبل اور لوگو کی ڈیزائن کے کام کرتا ہے ۔

کورسیس

گرافک میں کیریئر بننے کے لیے سب سے زیادہ ضروری ہے کہ آپ کے اندر تخلیقی صلاحیتوں کو پہچانیں پھر اس کے بعد کورس کاانتخاب کریں. دسویں اور بارہویں کے بعد نجی اداروں سے مختلف کورسیس کر سکتے ہیں. ان میں سے کچھ کورسیس گھر بیٹھے آن لائن پلیٹ فارم پر بھی سیکھے جا سکتے ہیں، شرط یہ ہے کہ آپ پاس ایک عدد کمپیوٹر یا لیپ ٹاپ انٹرنیٹ کنکشن کے ساتھ ہونا چاہیے. یہاں چند گرافک ڈیزائننگ کورس کے نام بتائے جا رہے ہیں.

• گرافک ڈیزائننگ ڈپلوما-کورس
• گرافک ڈیزائننگ ڈگری – کورس
• گرافک ڈیزائننگ پی جی- کورس
• سرٹیفکیٹ کورسیس

اہلیت :

ان کورسیس کو کرنے کے لیے طلبہ کو کسی مخصوص اہلیت کی ضرورت نہیں ہوتی ہے. بارہویں کسی بھی شعبے میں مکمل کی ہوئی ہو تو بھی آپ گرافکس کا کام سیکھ سکتے ہیں. بنیادی کمپیوٹر کی تعلیم ہونا لازمی ہے. سرٹیفکیٹ والے کورسیس آپ دیگر ڈگری کے ساتھ بھی کر سکتے ہیں،، جبکہ اگر آپ بیچلرس ڈگری میں کمپیوٹر اختیاری مضمون لیتے ہیں تو یہ آئندہ کے لیے یہ مستفید ثابت ہو سکتا ہے. بہر حال یہ کورس بارہویں کے بعد سے لے کر انڈر گریجویشن اور پوسٹ گریجویشن تک کے لیے دستیاب ہے.

کورس کے اخراجات :

گرافک ڈیزائننگ کے کورسیس دراصل نجی اداروں کے ذریعے کروائے جاتے ہیں جس کی وجہ سے ان کورسیس کی زیادہ ہوتی ہے. عام طور پر ان کورسیس کے اخراجات پچاس ہزار روپے سے لے کر پانچ لاکھ روپے تک ہو سکتے ہیں، یہ اخراجات آپ کس کورس کا انتخاب کرتے ہیں اور کس لیول پر کرتے ہیں اس پر منحصر کرتے ہیں. یہاں ضروری بات یہ ہے کہ تخلیقی صلاحیتوں سے لیس، اور قابلِ قدر طلباء کے لیے نجی اداروں کی طرف سے فیس میں کمی کی جاتی ہے اور اسکالرشپ بھی دی جاتی ہے.

آمدنی

کورس کے مکمّل ہونے کے بعد امیدوار مختلف ڈیجیٹل کمپنیوں میں اپلائ کر سکتے ہیں. اشتہارات کی کمپنی، فلم انڈسٹری، ٹیلیوژن، پوڈ کاسٹ کا زمرہ، جیسی جگہوں پر روزگار حاصل کر سکتے ہیں. قابل امیدواروں کے لیے فری لانسنگ کے طور پر بھی کام کرتے ہیں. عام طور پر اگر کوئی امید وار کمپنی میں اپلائ کرتا ہے تو شروعاتی دور میں اسے پچیس ہزار روپے سے تیس ہزار روپے تک تنخواہ دی جاتی ہے. پروموشن لیول بڑھنے کے بعد ڈیڑھ سے دو لاکھ ماہانہ تنخواہ ممکن ہے.

Animations : اینیمیش

ہم روزانہ ٹیلی وژن اور انٹرنیت کے ذریعے سوشل میڈیا کے مختلف پلیٹ فارمس پر اشتہارات دیکھتے ہیں ، اس کے علاوہ موجودہ دور میں فلموں میں ناقابل یقین مناظر کا مشاہدہ کرتے ہیں ۔ مختصر وقفے کے ان مناظر کی تیاری کے لیے ایکسپرٹ کی ایک ٹیم درکار ہوتی ہے جو اینیمیشن اور وژول ایفکیٹس کے ماہر ہوتے ہیں ۔ ہم یہ کہہ سکتے ہیں کہ ایک اینیمیٹروہ ماہر شخص ہے جو اپنے تصورات کی بناء پر تصاویر اور سمعی و بصری (آڈیو ویژول) مواد کی مدد سے مختلف کردار کو تخلیق کرتا ہے اور ٹیکنالوجی کی مدد سے اس کی پیشکش کو اور بہتر بناتا ہے ۔ کمپیوٹر اور جدید سافٹ وئیر س کی مدد سے تصاویر اور ویڈیو کو اسپیشل ایفکیٹس کے ذریعے اس طرح پیش کیا جاتا ہے کہ دیکھنے والوں کی دلچسپی قائم رہے ۔ ایک ماہر انیمیٹر میں کمپیوٹر کی اچھی معلومات ، ایڈیٹنگ کی مہارت، اسٹوری ٹیلنگ کی خصوصیت کا ہونا انتہائی ضروری ہے ۔ اس شعبے میں ٹو ڈی اور تھری ڈی اینیمیشن میں تخصص کیا جاتا ہے ۔

کورسیس :

جہاں تک بات ہے سرٹیفکیٹ کورسیس کی تو وہ آپ آن لائن پلیٹ فارم اور آف لائن دونوں طریقے سے کر سکتے ہیں یہ کورسیس آپ اپنی تعلیم کے دوران بھی جاری رکھ سکتے ہیں. لیکن اگر آپ اس کورس میں ڈگری کرنا چاہتے ہیں تو آپ کے لئے ضروری ہے کہ آپ بارہویں کے بعد نجی اداروں سے مختلف کورسیس کی معلومات لے کر داخلہ لیں. ٹیکنالوجیکل انسٹیٹیوٹ میں ڈپلوما کورسیس کے علاوہ ڈگری کورس اور پوسٹ گریجویشن شامل ہیں.

اہلیت:

ان کورسیس کو کرنے کے لیے طلبہ کو کسی مخصوص اہلیت کی ضرورت نہیں ہوتی ہے. بارہویں کسی بھی شعبے میں مکمل کی ہوئی ہو تو بھی آپ گرافکس کا کام سیکھ سکتے ہیں. بنیادی کمپیوٹر کی تعلیم ہونا لازمی ہے. سرٹیفکیٹ والے کورسیس آپ دیگر ڈگری کے ساتھ بھی کر سکتے ہیں،، جبکہ اگر آپ بیچلرس ڈگری میں کمپیوٹر اختیاری مضمون لیتے ہیں تو یہ آئندہ کے لیے یہ مستفید ثابت ہو سکتا ہے. بہر حال یہ کورس بارہویں کے بعد سے لے کر انڈر گریجویشن اور پوسٹ گریجویشن تک کے لیے دستیاب ہے.

کورس کے اخراجات :

اینیمیشن اور گرافکس یہ دونوں ہی شعبے جدید ترین ٹیکنالوجی کے شعبے سے وابستہ ہیں. اسی لئے ان کورسیس کے اخراجات دیڑھ لاکھ روپئے سے لیکر بارہ لاکھ روپئے تک ہوسکتے ہیں. لیکن قابل قدر طلباء کے لیے نجی اداروں کے ذریعے اسکالرشپ اور فیلو شپ کی سہولت بھی دستیاب ہوتی ہے.

آمدنی :

کورس مکمّل ہونے کے بعد امیدوار مختلف ٹیکنالوجیکل کمپنیوں میں روزگار کے تلاش کر سکتے ہیں. لیکن دوران کورس طالبعلم اگر فری لانسنگ کے طور پر کام کرنا چاہے تو اسی وقت سے آمدنی شروع ہو جاتی ہے. فری لانسنگ کے طور پر کام کرنے کا سب سے بڑا فائدہ یہ ہے کہ ایک فرد جتنا مرضی چاہے کام کر سکتا ہے اور اس کے مطابق اس کی اجرت ہوتی ہے. اور کمپنی کی تنخواہ کی بات کی جائے تو شروعاتی دور میں پچاس ہزار روپے سے لے کر پانچ لاکھ روپے تک ہو تنخواہ ہو سکتی ہے

ادارے :

گرافک ڈیزائننگ اور اینمیش کورسیس کے لیے درکار قابلیتں:

• دلچسپی : کسی بھی شعبے میں ماہر بننے کے لئے سب سے اہم چیز دلچسپی ہونا ضروری ہے. اس کے بعد محنت اور لگن کے ساتھ اس میں مہارت حاصل کی جاتی ہے.
• ۔آرٹسٹک : فن اور آرٹ سے تعلق رکھنے والے افراد کے اس کورس کو مزید بہتر طریقے سے کر سکتے ہیں. فن اور آرٹ سے تقلق رکھنے والے افراد کی سوچ تخلیقی عمل سے بھر پور ہوتی ہے
• ۔تنقیدی سوچ : عام چیز کو بھی تخلیقی نظر یہ کے ذریعے نئے انداز میں پیش کیا جاسکتا ہے.اسی لئے اس شعبہ میں کرئیر بنانے کے لیے تنقیدی سوچ کا ہونا انتہائی ضروری ہے
• ۔کچھ نیا کرنے کا جذبہ : اس شعبے میں مسابقت صرف تخلیقی سوچ کی بنا پر رہی ہے، اگر کوئی فرد چاہتا ہے کہ وہ اس شعبے میں ترقی بہت تیز رفتار ہے سے کریں تو اسے چاہیے کہ اپنے آپ کو معلومات سے اپ ڈیٹ رکھے. اور اپنے کام کو بہتر بنانے کے لیے نئ سوچ کا استعمال کریں.